Gjashtë shenja që tregojnë se ai ju dashuron edhe nëse nuk tregon

2:56 / 22.04.2013

Të dalësh me një mashkull mund të jetë e lehtë, por të lexosh mendjen e tij është pjesa më problematike.

Disa meshkuj janë shumë të rehatshëm në shprehjen e ndjenjave të tyre ndaj atyre që i duan, por disa të tjerë kanë vështirësi në shprehjen e ndjenjave romantike. Ai mund t’ju thotë se ju dashuron, por mund të mos jetë në gjendje të shprehë me fjalë atë që ju e përfaqësoni për të me të vërtetë.

I mban në mend fjalët e tua
Një mashkull i dashuruar dëgjon gjithnjë me vëmendje atë femër dhe e mban në mend çdo gjë që ajo e thotë, edhe nëse është diçka e parëndësishme, për shkak se e merr atë shumë seriozisht.

Ju trajton si duhet
Nëse ai ju trajton si një zonjë të vërtetë, duke jua hapur derën dhe duke ju ndihmuar me ulësen kudo që jeni, atëherë kjo është një shenjë se ai është i dashuruar. Kjo për arsye se atij i intereson vërtet se çka mendoni ju për sjelljen e tij.

Kujdeset për ju
Nëse një person ju do me të vërtetë, ai do të mundohet të gjejë mënyra të vogla për të përmirësuar jetën tuaj, duke ju telefonuar kur nuk e prisni, duke jua dhënë pallton e tij nëse keni të ftohtë.

E vlerëson shumë mendimin tuaj
Nëse ai nuk e merr asnjë vendim të rëndësishëm pa u konsultuar me ju, kjo do të thotë se ai ka ndjenja të vërteta për ju.

Është i interesuar për jetën tuaj
Ai mund të interesohet shumë për çdo gjë që ndodh rreth jush dhe edhe detajet më të parëndësishme do t’i duken interesante.

Ju respekton
Respekti është shumë i rëndësishëm në çdo lidhje. Nëse ai nuk shikon vajza të tjera kur jeni ju afër tij dhe nuk jua ndërpret fjalën derisa jeni duke folur, do të thotë se vërtet ka respekt për ju./Telegrafi/
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.