Kujdesuni për veten
Për “Mobbing” flitet kur dikush rregullisht persekutohet dhe dhunohet psikologjikisht. Pasojat renditen nga ngarkesë psikologjike deri në paaftësi për të punuar.Sipas vrojtimeve dhe studimeve të fenomenit “Mobbing”, studiues amerikan e kanë specifikuar abuzimin emocional në vendin e punës tipik për ambientet me organizim të dobët me metoda jo produktive, paaftësi ose neglizhencë në menaxhim, ku viktimat e fenomenit “Mobbing” karakterizohen si “individë të veçantë të cilët shfaqin inteligjencë, kompetencë, kreativitet, integritet që shoqërohen me përkushtim dhe përgjegjshmëri”.
Të gjithë e pranojmë se jetojmë në kohë të vështira ku vlerat shkatërrohen ose tjetërsohen, ku kriza ekonomike ka mbërthyer shumë biznese duke shtuar notat e stresit. Ndoshta kjo krijon terren për dhunë psikologjike aq më shumë që për këtë nuk ekziston pengesë e dukshme veç ndërgjegjes së individëve.
Është një strategji, për t'i bërë rezistencë këtij fenomeni. Tregoni që e keni të qartë se po ushtrohet terror psikologjik tek ju dhe shpreheni këtë. Flisni për rastet që keni evidentuar, shpeshtësinë dhe format e persekutimit, duke dhënë fakte, etj.
Ai që vuan nga “Mobbing” në punë, duhet të shtrojë sa më shpejt pyetjen: “A duhet të duroj më?” Nëse përgjigjja e sinqertë dhe e menduar mirë është: “Jo! Do gjej një vend tjetër pune!”, atëherë lamtumira është zgjidhja më e mirë. /Telegrafi/
