Masazhi nga orizi me qumësht
Përveçse është një ëmbëlsirë e shijshme, orizi me qumësht mund të jetë edhe mjet i dobishëm masazhi, që në mënyrë më efikase sesa diklofeni mjekon dhimbjet në eshtra, nyja dhe muskuj. Ky masazh është një nga teknikat, të cilën hindusët e kanë shfrytëzuar për ruajtjen e rinisë dhe shëndetit pesë mijë vite më parë. Është formë e ‘ayurvedas’- sistemit më të vjetër dhe tërësisht natyror të mjekësisë. ‘Ayurveda’ njëkohësisht mjekon shumë sëmundje, shkakton relaks psiko-fizik dhe krahas tyre ndikon në dukje dhe jetëgjatësi.
Hekurosja e rrudhave
Masazhi i fytyrës me koktej të veçantë të vajrave bimore dhe pemëve tendos rrudhat, rigjeneron qelizat e lëkurës, largon njollat, nënsytë dhe të gjitha mangësitë. Nuk ka injeksion, nuk ka prerje, procedura është e këndshme dhe relaksuese, ndërsa efektet janë të shkëlqyera. Fshehtësia qëndron në detoksikimin e fuqishëm, ndërsa numri i trajtimeve varet nga gjendja e lëkurës dhe mosha.
Tret yndyrat dhe celulitin
“Udvartana” është masazh me anë të substancave të veçanta, të cilat shkatërrojnë shtresat yndyrore në trup dhe ka efekt të jashtëzakonshëm te dobësimi dhe largimi i celulitit. Duhet të kombinohet me “svedanën” dhe saunën, që duket sikur kapsulë druri. Është shumë e dobishme te teprica e mukusit, mbipesha, artriti, qarkullimi i dobët etj. /Telegrafi/
