Sa është e rrezikshme një lidhje romantike e gabuar?

2:10 / 8.05.2013

Kur jeni në një lidhje të vështirë, nuk është e lehtë të shihni se si është duke ndikuar ajo në jetën tuaj. Ja disa shenja që tregojnë se sa e rrezikshme është një lidhje e tillë.

Humbja e peshës
Kjo është njëra nga shenjat më të zakonshme që tregojnë se lidhja juaj me partnerin është duke ndikuar në jetën tuaj. Nëse jeni duke humbur peshë vazhdimisht pa qëllimin tuaj, kjo do të thotë se stresi i shkaktuar nga ajo lidhje është duke ndikuar negativisht në shëndetin tuaj.

Depresioni
Depresioni është një shenjë tjetër që tregon se lidhja juaj është duke ndikuar negativisht në jetën tuaj. Nëse ndiheni tërë kohën keq dhe ju duket sikur keni harruar se si është të jesh i/e lumtur, kjo do të thotë se mund të jeni në depresion.

Humbja e vetëbesimit
Vetëbesimi është shumë vështirë që të krijohet së pari, por është shumë lehtë të humbet. Nëse jeni duke e humbur vetëbesimin për shkak se partneri juaj vazhdimisht ju bën të ndiheni sikur nuk keni vlerë, kjo është një shenjë e keqe e ndikimit të lidhjes në shëndetin tuaj.

Humori i keq
Nëse vazhdimisht ju ndryshon humori duke u ndjerë herë mirë e herë keq, kjo do të thotë se keni frikë se mund të humbni diçka apo dikë. Kjo mund të jetë një shenjë se lidhja e juaj nuk është stabile dhe është duke ndikuar në shëndetin tuaj. /Telegrafi/
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.