Lista e produkteve që do të lansojë sot Google (Video)

Google do të prezentojë pajisjet e reja Pixel dhe Pixel XL në ngjarjen mediale që do të mbahet gjatë ditës së sotme.

Në këtë ngjarje, Google pritet që poashtu të lansojë disa pajisje të reja si atë për realitet virtual, Google Daydream VR.

Sipas një raporti të ri thuhet se Daydream VR do të kushtoj 79 dollarë dhe në këtë mënyrë do të jetë më e lirë së pajisja e realitetit virtual nga Samsung, Gear VR e cila shitet për 99 dollarë.

Daydream VR do të përdor telefonat e ri nga Google, Pixel dhe Pixel XL për ekranet e tyre ndërsa ende nuk dihet nëse pajisja do të funksionojë edhe me telefona të tjerë.

Pajisja poashtu do të ketë një kontrollues të dorës i cili mund të jetë i ngjashëm me Ëiimote nga Nintendo Wii.

Google Pixel dhe Pixel XL do të prodhohen nga HTC dhe sipas të gjitha gjasave edhe Daydream VR do të jetë i ndërtuar nga e njëjta kompani.

Daydream VR së pari është shfaqur në konferencën Google IO më herët gjatë këtij viti. Për të kuptuar më shumë detaje mbi pajisjen, mund të shikoni videon e mëposhtme.