50 Cent: Albumi im i ri do të hyjë në histori

9:08 / 28.12.2012

Superylli amerikan, 50 Cent, ka pasur vetëm fjalë të mira për albumin e tij të pestë “Street King Immortal”, i cili thotë se nuk do të jetë asgjë tjetër pos një ‘klasiku’ të vërtetë me tekste prej më të mirave në karrierën e tij.

 Krijuesi i hitit “In Da Club” ndjen se albumi i tij i ri do të jetë një sukses i jashtëzakonshëm dhe do të hyjë në historinë e hip hopit, teksa u ka thënë fansave se ia vlen të pritet edhe pak.

“Hip hopi më dha gjithë atë për të cilën kam ëndërruar. Mënyra më e mirë se si t’ia kthej këtë hip hopit është duke bërë më të mirën për albumin tim të ri. Me vitin e ri, vjen dhe qasja e re. Gjërat po shkojnë mirë dhe “Street King Immortal” do të hyjë në histori”, ka deklaruar reperi në Tëitter.

Albumi i pestë i ‘fiftyt’ vjenë pas albumit të tij në vitin 2009. Në fakt, “Street King Immortal” është dashur të lansohej shumë kohë më parë, por ndërprerjet e shumta në punën e reperit shkaku i shkëputjes së kontratës me Interscope Records, ka bërë që ai të vonohet në projektin e tij të ri. /Telegrafi/ 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.