“Haku i nënës”, kërkohet nga bashkatdhetarët që po pushojnë në Kosovë
23:59 / 25.07.2012
Ka kohë që Gili u këndon bashkatdhetarëve, ndërsa këtë sezon ajo është më e angazhuar se kurrë më parë nëpër koncerte e mbrëmje muzikore, ku po mirëpritet nga bashkatdhetarët që janë kthyer në vendlindje.
“Sa herë që jam nëpër koncerte, kudo nëpër Kosovë vendet po mbushen plot me bashkatdhetarë, të cilët po më bëjnë të ndjehem mjaft mirë”, ka thënë këngëtarja për Zëri.
Kënga që po pëlqehet më së shumti është “Haku i nënës”, të cilën Gili e lansoi gjatë këtij viti, dhe kjo këngë, sipas saj, kërkohet kudo nëpër mbrëmje.
Ndërkaq, në një të ardhme të afërt, ajo ka në plan incizimin e një kënge tjetër dhe realizmin e klipit të saj, të cilin do ta publikojë më vonë.
“Dëshiroj që adhuruesit e mi tani ta shijojnë në maksimum ‘Hakun e nënës’ dhe pas një kohe do të realizoj projektin e radhës”, ka deklaruar Gili. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
