BAFTA: Affleck, regjisori më i mirë

16:45 / 11.02.2013

Ylli i Hollywoodit, Ben Affleck, ka arritur një tjetër sukses si regjisor me filmin e tij ‘Argo’. Në mbrëmjen e ndarjes së çmimeve ‘Bafta’, aktori i famshëm amerikan mori çmimin e regjisorit më të mirë, ndërsa filmi i tij u shpall si më i miri i vitit 2012.

Ceremonia u organizua në Royal Opera House të Londrës të dielën në mbrëmje. Pasi mori çmimet, Affleck u shpreh: “Është një surprizë e madhe për mua. Jam shumë mirënjohës për njerëzit që më kanë ndihmuar në karrierën time dhe krenar për veten.”

Filmi ‘Argo’ mundi konkurrencën e ‘Les Miserables’, ‘Life Of Pi’ dhe ‘Zero Dark Thirty’, ndërsa Ben Affleck, i cili nuk është i nominuar për regjisorin më të mirë në çmimet Oscar, la pas edhe Quentin Tarantino, Ang Lee, Kathryn Bigelow dhe Michael Haneke.

Cmimin e aktorit më të mirë e mori Daniel Day-Lewis për interpretimin në filmin ‘Lincoln’ dhe tashmë shihet si favorite kryesor për fitoren edhe në çmimet Oscar.

Lista e plotë e çmimeve BAFTA:

Filmi më i mirë - "Argo"

Regjisori më i mirë - Ben Affleck ("Argo")

Aktori më i mirë - Daniel Day-Lewis ("Lincoln")

Aktorja më e mirë - Emmanuelle Riva ("Amour")

Aktori jo-protagonist më i mirë - Christoph Waltz ("Django Unchained")

Aktorja jo-protagoniste më e mirë - Anne Hathaway ("Les Miserables")

Aktori zbulim (i votuar nga publiku) - Juno Temple

Filmi jo në anglisht më i mirë - "Amour|

Dokumentari më i mirë - "Searching For Sugar Man"

Filmi britanik më i mirë - "Skyfall"

Filmi i animuar më i mirë - "Brave"

Skenari më i mirë - "Django Unchained" (Quentin Tarantino)

Kolona zanore më e mirë - "Skyfall" (Thomas Newman)

Cmimi i kinematografisë - "Life Of Pi" (Claudio Miranda)

Kostumografia më e mirë -"Anna Karenina" (Jacqueline Durran)

Filmi me metrazh të shkurtër i animuar më i mirë - "The Making Of Longbird"

Filmi më i mirë me metrazh të shkurtër - "Swimmer"

Efektete speciale më të mira - "Life Of Pi"

/TCH/Telegrafi/ 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.