Berisha krenar me bukurinë shqiptare
Kryeministri Shqiptar, Sali Berisha, ka thënë se ndjehet krenar që shqiptarët prezantohen në botë përmes bukurosheve si Anxhela Martini dhe Eliza Dushku.Berisha ishte i pranishëm në ekspozitën e fotografit Fadil Berisha, i cili solli një përzgjedhje të fotografive me fytyrat më të famshme shqiptare, pjesë e “Ditëve të artit në Tiranë”.
I pyetur nëse pëlqen fotot e Fadil Berishës, kreu i qeverisë shqiptare, i fokusuar tek fotoja e Anxhela Martinit me flamur shqiptar, ka thënë: “Më pëlqen veçanërisht kjo”.
“Fadili ka sjellë këtu, ato që në legjenda quheshin shtojzovalle, që sot janë yjet e Hollivudit. Unë ndjehem krenar me to, Anxhela dhe Eliza Dushku”, ka thënë më tej Berisha. /Telegrafi/
