Beyonce të këndojë në inaugurimin e Obamës
Beyonce Knowles pritet të performojë në inaugurimin e dytë të Barack Obamës si president i Shteteve të Bashkuara të Amerikës.Këngëtarja, e cila performoi në inaugurimin e parë në vitin 2009 dhe e cila e përkrahu Obamën gjatë kampanjës së tij për t’u bërë president edhe për të dytin mandat, do të këndojë himnin kombëtar amerikan në ngjarjen prestigjioze.
Komiteti Inaugurues Presidencial i ka thënë gazetës “USA Today” se Kelly Clarkson po ashtu do të performojë këngën “My Country Tis of Thee”, derisa James Taylor do të këndojë “America The Beautiful” në ceremoninë që do të zhvillohet më 21 janar.
Presidenti 51-vjeçar, ka thënë në një deklaratë të lëshuar: “Zëvendëspresidenti Biden dhe unë jemi të nderuar që kemi këto artistë të talentuar të muzikës që do të performojnë në ceremoninë inauguruese. Muzika e tyre shpesh është në zemër të tregimit amerikan dhe u flet njerëzve nëpër gjithë vendin”. /Telegrafi/
