Cage, Ford dhe Eastwood në “The Expendables 3”?
Nicolas Cage, Clint Eastwood dhe Harrison Ford janë në listën e producentëve për t’iu bashkuar vazhdimit të tretë të filmit “The Expendables”.Sylvester Stallone kishte angazhuar yjet e filmave aksion si Arnold Schwarzenegger, Bruce Willis, Jason Statham, Jet Li, Dolph Lundgren, Randy Couture dhe Mickey Rourke në filmin e parë, dhe kishte shtuar edhe yjet si Liam Hemsworth, Jean Claude Van Damme dhe Chuck Norris për vazhdimin e dytë të filmit.
Tash producenti i serisë Avi Lerner ka zbuluar planet e tyre për edhe një film tjetër dhe dëshiron të shtojë më shumë emra të famshëm në listën e aktorëve.
“Ne kemi kontaktuar me Clint Eastwood për të qenë njëri prej djelmoshave, ne kemi një karakter në mendje për të. Ne flasim edhe me Harrison Ford... Do t’ju jap edhe një emër, ne kemi siguruar Nicolas Cage të luajë (njërin prej karaktereve)”, ka thënë Lerner për revistën Total Film. /Telegrafi/
