Carla Bruni përpiqet të tregohet si amvise shembullore
Modelja e dikurshme, aktualisht Zonja e Parë e Francës, Carla Bruni- Sarkozy, është duke bërë gjithçka që t’i sigurojë sa më shumë vota burrit të saj Nicolas Sarkozy, në zgjedhjet e ardhshme presidenciale.Carla po mundohet të prezantohet si amvise e mirë dhe bashkëshorte shembullore, duke qenë se këshilltarët për fushatën e Sarkozyt besojnë se e kaluara e saj kontroverse po ia humb votuesit presidentit aktual të Francës.
Gjatë një interviste televizive, bukuroshja italiane thotë se pëlqen të shikojë seriale me vajzën e saj në krah. Po ashtu, thekson se i pëlqejnë ndeshjet futbollistike dhe garat e çiklistëve.
Në vitet e tetëdhjeta, Bruni ka qenë një nga manekinet më të njohura në botë, me një stil të shfrenuar jetese, ndërsa i ka ndërruar shumë shpesh meshkujt. /Telegrafi/
