Dashuria e Bjeshkëve të Nemuna 2

13:33 / 20.05.2013

Filmi më i ri i Ekrem Kryeziu ” Dashuria e Bjeshkëve të Nemuna 2” pas premierës së suksesshme me 8 maj po vazhdon t’i mbush sallat në dy terminet e shfaqjeve në Kinemanë ABC në Prishtinë.

Ishte vështir të mendosh se pjesa e dytë e filmit “Dashuria e Bjeshkëve të Nemuna” do ta ketë suksesin e filmit të parë i cili u realizua para 16 vitesh ku Faruk Begolli, tani i ndjerë, kishte rolin kryesor por ja që ndodhi befasia e këndshme. Filmi” Dashuria e Bjeshkëve të Nemuna 2” i pasuruar me ngjarje të reja dhe linja të pasura dramaturgjike që në film i sendërtojnë me sukses numri i shumëfishuar i aktorëve nga Kosova dhe Shqipëria bëri që filmi të përjetohet si një vepër e pavarur nga filmi i parë sado që në këtë pjesë të dytë ka dhe sekuenca të shkurtra nga filmi i parë të cilat të ndërthurura me mjeshtri artistike filmit” Dashuria e Bjeshkëve të Nemuna 2” i japin një aromë tjetër filmike, duke na pasuruar më një vistër emocionesh të reja por edhe duke ia mbajtur shikuesin vëmendjen e pakëputur nga ajo që shihet në ekranin e madh. Interpretimi shumë jetësor i të gjithë aktorëve që nga Diellëza Kolgeci, Florian Agalliu, Besmir Bitraku, Çun Lajçi, Jahja Shehu , Nimon Muçaj, Astrit Krasniqi deri të Fatime Sefaj dhe Klodian Hoxha, i japin kësaj vepre një ritëm të pandalshëm artistik që me fotografinë në HD të ambienteve të bukura nga Kosova, Shqipëria dhe New York-u bën që shikuesi t’i kthehet disa herë shikimit të kësaj vepre të suksesshme filmike.

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.