Përfaqësuesja e Maqedonisë në edicionin e sivjetmë të Festivalit Evropian të Këngës, Kaliopi, ka treguar aftësitë e saj për t’iu shmangur provokimit të një gazetari grek rreth emrit me të cilin është prezantuar në ‘Eurovision 2012’.
Këngëtarja, e cila konkurroi me këngën “Crno i Belo”, në festival është prezantuar me emrin ‘Maqedoni’, e jo me referencën zyrtare ‘Ish Republika Jugosllave e Maqedonisë’.
Kjo nuk ka mundur të ikë pa u penguar gazetarëve grekë, njëri nga të cilët e pyet se pse gjatë konferencës për media pas gjysmëfinales e kishte përdorur emrin Maqedoni e jo IRJM, ndërsa ajo pasi kupton se gazetari është grek, fillon të bërtasë: “E dua Greqinë, e dua muzikën greke...”. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
