Edicioni i gjashtë i modës “Kreatori më i mirë shqiptar”

12:49 / 20.12.2012

Spektakli i modës, “Kreatori më i mirë shqiptar”, për vitin e gjashtë me radhë do të mbahet të premten në “Sheshin 21” në Prishtinë.

Në këtë spektakël të gjithë kreatorët, stilistët dhe shtëpitë e modës mund të prezantojnë idetë, krijimet dhe stilin e punimeve të tyre dhe të garojnë për çmimin e madh “Kreatori më i mirë shqiptar 2012”.

Edicioni i gjashtë me radhë, do të mbahet me datë 21.12.2012, në ora 21:00, në Sheshin 21. Gjatë kësaj mbrëmje do të prezantojnë punimet e tyre, pesë kreatorë nga Kosova dhe Shqipëria.

Në cilësinë e mysafires dhe kryetares së jurisë në këtë sfilatë do të prezantohet edhe Blerina Kllokoqi Rugova me disa nga kreacionet e saj të punuara enkas për këtë mbrëmje.

Gjatë spektaklit do të performojnë edhe shumë këngëtarë të njohur të estradës sonë, si dhe do të ketë plot surpriza të tjera. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.