Evanescence, pushim të gjatë pas turneut
Rokerët e bendit “Evanescence” planifikojnë që të bëjnë një pushim të gjatë pas kompletimit të turneut të tyre britanik. Bendi do të jetë në disa koncerte në Britani në nëntor dhe vokalistja Amy Lee ka zbuluar se ata nuk kanë plan për të bërë këngë të reja e as për të filluar ndonjë turne të ri për një kohë të gjatë, pasi t’i mbarojnë angazhimet e tyre në Londër.
“Unë nuk jam ulur për të shkruar këngë. Unë po mendoj që të pushojmë. Vërtet nuk jam e sigurtë se çfarë do të bëj më pas. Në fund të turneve keni nevojë për pushim në mënyrë që të rregulloni jetën. Mendoj se duhet t’i mendojmë gjërat. Shihet si gjë e keqe ky pushim i gjatë, por nuk mendoj kështu, do të kthehemi më ndryshe, më fuqishëm”, është shprehur Lee. /Telegrafi/
