Gjendet varri i Freddie Mercury?

23:31 / 26.02.2013

Në varrezat “Kensal Green” në Londër është gjetur një varrezë me mbishkrimin “Në kujtim të Farrokh Bulsara”, për të cilën besohet të jetë varri i frontmenit legjendar të “Queen”, Freddie Mercury.

Këngëtari britanik me prejardhje iraniane, emri i vërtetë i të cilit ishte Farrokh Bulsara, ndërroi jetë në vitin 1991 në moshë 45-vjeçare, si pasojë e komplikimeve të AIDS-it, ndërsa i vetmi njeri që e di se ku është varrosur hiri i tij, është e fejuara Mary Austin, pasi Freddie nuk dëshironte që njerëzit ta dinin varrin e tij.

Megjithatë, fansat e këngëtarit shpresojnë se pas 21 vitesh e kanë zbuluar vendin ku duhet ta nderojnë idhullin e tyre.

Po ashtu, mbi pllakën e varrit shkruan në frëngjisht: “Gjithmonë pranë teje me dashurinë time të madhe. M”. Shkronja ‘M’ sugjeron në emrin e Mary Austin. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.