Gosling: Nuk mund të jem gangster
Aktori amerikan, Ryan Gosling, e luan rolin e një gangsteri në filmin “Gangster Squad”, ndërsa thotë se nuk është i mirë në atë tip të karakterit. Ylli i flimit “Notebook” do të shfaqet në filmin “Gangster Squad” që lansohet më 10 janar dhe ku ai luan rolin e mafiozit kryesor bazuar në një ngjarje të viteve 40-ta.
“Ishte e pabesueshme, pasi nuk është pranë realitetit të ngjarjes, pasi në realitet ishte edhe më e pabesueshme ajo që e bënë këta burra, edhe më surreale. Unë nuk mund të jem sikur ata në jetën reale, nuk di të jem gangster”, ka thënë Gosling për MTV.
