Haradinaj takoi finalistët e The Voice

23:35 / 3.02.2013

Kryetari i Aleancës për Ardhmërinë e Kosovës (AAK), Ramush Haradinaj, ka pritur në një takim të dielën finalistët e spektaklit të madh të talentëve të këndimit, The Voice of Albania.

Në këtë takim, Haradinaj priti Mjellmën, Matejin dhe Lindin, të cilët u shoqëruan dhe nga forumi rinor i AAK-së.

Telegrafi mëson se në këtë takim është folur shumë për perspektivën e këtyre këngëtarëve në skenën kosovare, përkundër faktit se spektakli është format i Shqipërisë.

Këngëtarët ishin shumë të kënaqur me pritjen që u bënë të rinjt e AAK-së dhe lideri i tyre, Ramush Haradinaj, i cili premtoi se në rast se merr në dorë qeverisjen e vendit, do të investojë shumë në zhvillimin e të gjitha sferave të rinisë në Kosovë. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.