Hardy i gatshëm të ndeshet me David Haye
Tom Hardy thotë se ai është i gatshëm të ndeshet me bokserin profesionist David Haye, nëse paratë e mbledhura shkojnë për bamirësi.Aktori i filmit “Dark Knight Rises”, i cili luajti luftëtarin e burgosur në filmin e vitit 2011 “Warrior”, është i gatshëm të ngjitet në ring me Haye, edhe pse e di se do ta ketë të vështirë të fitojë.
“Hardy vs. Hayemaker? Nuk ka problem. Më lejoni së pari heq grimin tim. Do të përballem me të sapo të kthehem nga Kongo me shokët e mi, nëse ai dëshiron”.
“Kurrë nuk jam ndeshur me një profesionist në peshave të rënda, do të ishte një përvojë. Do të preferoja që lufta ime e parë profesionale të ishte kundër dikujt në peshën time, por s’ka gjë”, ka thënë Hardy për The Sun.
34-vjeçari aktualisht është në Kongo duke xhiruar një dokumentar televiziv për mbijetesë. /Telegrafi/
