“Sikur kjo të ishte shfaqje”

10:18 / 21.02.2013

“Sikur kjo të ishte shfaqje” me regji të Agon Myftarit dhe tekst të Almir Imsirevicit është prezantuar në Teatrin e Komedisë në Tiranë.

Shfaqja teatrale “Sikur kjo të ishte shfaqje” prezanton fakte për luftën e Kosovës. Një vrasje që ritregohet nga udhëtarë të cilët thjesht e kanë parë apo e kanë dëgjuar. Trupa e teatrit “La Rreme” do të vazhdojë rrugëtimin në Ballkan dhe Evropë.

Një pasqyrim grotesk i jetës dhe mbijetesës. Teksti i autorit boshnjak Almir Imsirevicit është përshtatur dhe në një tjetër kontekst. Përveç pjesës komike që prezantohet gjatë fillimit të shfaqjes, në fund ngjarja merr tjetër trajtim. Tregon për marrëdhëniet e njerëzve më të kaluarën, pikërisht me luftën që ka ndodhur në Kosovë.

Aktorët interpretues ishin Adrian Morina, Rebeka Qena, Besnik Krapi dhe Armend Ismajli. /Shekulli/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.