Justin Timberlake i rikthehet muzikës
Justin Timberlake është rikthyer në studio për të regjistruar këngët e albumit të ri, gjithnjë sipas producentit Jim Beanz.
Krijuesi i hitit “Summer Love” u largua nga muzika viteve të fundit për t’u koncentruar në aktrim, në role të top filmave si “Social Network”, “Bad Teacher” dhe “Friends With Benefits”, por tani duket se ai do të rikthehet te vendi.
“Kur të kthehem në SHBA, unë do të ndihmoj në projektin e ri... Justin Timberlake. Është në fazat e para, por ai ka shumë këngë. Ai ka punuar kohëve të fundit dhe kur të kthehem kam edhe shumë ide të cilat do t’i realizojmë. Ai ka këngë të çmendura”, ka theksuar Jim Beanz.
