Kënga e re e Unikkatilit, të mërkurën?

10:01 / 18.12.2011

Një prej reperëve më të mirë të të gjitha kohërave, Viktor Paloka i njohur si Unikkatil, besohet se do të lansojë këngën e tij të re jo më larg se të mërkurën.

Bëhet fjalë për një bashkëpunim me reperin tjetër të ‘labelit’ TBA, Klepton, kurse kjo këngë nuk do të jetë në albumin e ri të Unikkatilit, i cili ende nuk ka një datë të caktuar kur do të lansohet.

Megjithatë, Telegrafi mëson nga burimet e afërta me reperin se albumi është përfunduar, ndërsa vetëm pritet momenti i përshtatshëm që ai të lansohet.

Unikkatili ishte rikthyer në skenë pas tri vitesh me bashkëpunimin me reperin 2po2, “Fitore e Sinqertë” e cila theu disa rekorde në YouTube, ndërsa është viti i katërt prej se fansat po presin albumin e Viktorit. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.