Kristen e tradhtoi Pattinson, nuk dëshiron ndarjen
Aktorja, Kristen Stewart, ka thënë se do të bëjë gjithçka në mundësitë e saj që të mos ndahet nga i dashuri, Robert Pattinson, pas zbulimit se ajo kishte një aferë me regjisorin e martuar, Rupert Sanders.
Robert Pattinson besohet se është në depresion pas lajmit se e dashura e tij e kishte tradhtuar me regjisorin e martuar 41 vjeçar, ndërsa Kristen shpreson që të shmangë ndarjen.
“Ajo është duke bërë të pamundurën që të mos ndahet nga Roberti. Ajo ka kërkuar falje dhe dëshiron t’i bëjë mirë gjërat. Ajo është e bindur se mund ta fitojë sërish besimin e tij. Ajo po bën të pamundurën që të mos ndahet. Ajo e di se sa shumë ai e do dhe ajo beson se do të arrijë që ta bindë të mos ndahet”.
Robert Pattinson ende nuk ka komentuar mbi zhvillimet e fundit, por tashmë dihet se ai është larguar nga shtëpia ku ka bashkjetuar me Kristen.
