Ledri konfirmon kthimin në muzikë

18:38 / 24.02.2013

Reperi nga Prishtina, Ledri Vula, ka konfirmuar se do të kthehet në muzikë, pak kohë pasi Telegrafi ekskluzivisht kishte zbuluar për fansat e tij se ai do t’i kthehej muzikës.

Telegrafi kishte raportuar muaj më parë se Ledri do t’i kthehet muzikës, por jo duke iu ribashkuar ‘labelit’ Babastars.

Është vet Ledri ai që ka konfirmuar rikthimin në muzikë për emisionin Prive në Klan Kosova, emision që kishte përgënjështruar raportin tonë muaj më parë.

Ledri Vula do të kthehet, por jo me ndonjë ‘label’, mirëpo solo.

Reperi njihet për hitet e tij të mëdha në kuadër të grupit Skill bashk me Visarin, teksa pritet të shohim se cilat do të jenë befasitë e tij për fansat në atë që konsiderohet rikthim i tij sensacional në skenën e hip hopit. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.