Madonna nuk heq dorë nga armët
Diva e muzikës pop, Madonna, ka vendosur të injorojë kërkesat e policisë që gjatë performancave në skenë të mos përdorë armë.Këngëtarja gjendet aktualisht në turne, ku po e promovon albumin e saj "MDNA", ndërsa tashmë ka krijuar disa kontroversitete.
Sipas The Scotsman, policia e ka këshilluar Madonnan që për shkak të vrasjeve të fundit në Kolorado, kur të dalë në skenë të mos marrë me vete mitralozin dhe revolen.
Megjithatë, ajo ka vazhduar me skenarin e saj gjatë performancës së të dielës në stadiumin Murrayfield në Edinburgh, ku nuk kanë munguar armët.
Menjëherë pas ka reaguar Amnesty International, ndërsa këngëtarja ende nuk i ka komentuar kritikat. /Telegrafi/
