Nuk ndahen Limp Bizkit
Rokeri i grupit Limp Bizkit, Wes Borland, ka siguruar fansat se bendi nuk është ndarë, përkundër deklaratave të frontmenit, Fred Durst se grupi është i mbaruar. Krijuesit e hitit “Behind Blue Eyes” janë shokuar kur të premtën është parë një deklaratë e frontmenit në internet, që pohoi se Limp Bizkit është drejt fundit të ekzistimit.
“Ne nuk e dimë se çfarë po ndodh në Amerikë. Amerika është e kontrolluar nga shitjet e CD-ve. Është shtëpia e korporatave. Ne jemi vetëm Limp Bizkit, kështu që ne nuk dimë të bëjmë asgjë tjetër, pos Limp Bizkit... Kemi një marrëveshje: në vitin 2000 rreth 35 milionë njerëz u lidhën me këtë bend. 12 vite më vonë, shumë prej këtyre njerëzve na kanë harruar. Dhe tani bendi është drejt shuarjes”, kishte thënë frontmeni.
Kjo deklaratë bëri bujë nëpër forumet e rokut në internet, por shpejt reguan anëtarët tjerë të bendit.
“Limp Bizkit nuk është shuar. Ai artikull është palidhje. Faleminderit që po brengoseni, por ne jemi shumë mirë. Ne po punojmë ende në turneun tonë, ne po punojmë shumë në këngë të reja”, ka deklaruar Borland. /Telegrafi/
