Paris Hilton u kërkon falje homoseksualëve
Bukuroshja amerikane, Paris Hilton, u ka kërkuar falje homoseksualëve, të cilët i kishte quajtur të ‘gërditshëm’ gjatë një bisede në një ‘taxi’. 31 vjeçarja ishte kapur duke thënë se njerëzit homoseksualë janë njerëz që kanë HIV-AIDS dhe i ka quajtur ata të ‘gërditshëm’, ndërsa tani ajo ka kërkuar falje për këto komente, duke thënë se ato komente nuk shprehin ndjenjat e vërteta të saj ndaj komunitetit të homoseksualëve.
“Më vjen shumë keq që u kam shkaktuar dhimbje miqve të mi homoseksualë, fansave dhe familjeve të tyre me komentet që i kanë dëgjuar. Unë kam biseduar privatisht me një mik timin, i cili është homoseksual dhe biseda jonë nuk iu drejtua komunitetit të homoseksualëve. Është gjëja e fundit që do të doja të bëj dhe nuk mund të përshkruaj me fjalë se sa shumë dua t’i kthej prapa fjalët e mia”, ka thënë Paris Hilton. /Telegrafi/
