Prishtina bëhet me “Fashion Night”

10:06 / 13.12.2012

Këtë të diel për herë të parë në kryeqytetin e Kosovës do të organizohet ngjarja e modës “Prishtina Fashion Night”.

Ky event organizohet nga kompania B-Models dhe Shesi 21, dhe synon të shndërrohet në tradicional çdo vit.

“Prishtina Fashion Night” do të hapet me një sfilatë ku do të prezantohen koleksionet e sezonit dimëror dhe koleksione të reja dhe moderne të vellove.

Në këtë natë kreacionet e tyre do t’i prezantojnë Shtëpia e Modës ‘TABJA’, qendra italiane ‘OVS’, butiku ‘BNN Fashion’, qendra ‘Moda Italia’, linja e veshjeve simbolike ‘Folkan Shqip’ dhe butiku ‘Street Fashion’.

Në këtë hapje, përveç sfilatës do të ketë edhe muzikë live për të pranishmit, ku do të performojnë Besart Halimi, Yll Limani dhe Adelina Berisha, dhe pastaj do të organizohet edhe një “after-party”.

Ngjarja do të zhvillohet këtë të diel, 16 dhjetor, në Sheshin 21 me fillim nga ora 19:00./Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.