Rita Ora ka vendosur të shpërblejë disa prej fansave të saj më të flaktë me një dhuratë shumë speciale - “Të jesh Rita Ora”.
Kosovarja është bashkuar me kompaninë “MasterCard” në realizimin e këtij projekti. Fansat e këngëtares shqiptare do të mund ta xhirojnë veten duke kënduar njërën prej këngëve të Ritës, dhe ta dërgojnë atë në sajtin “somethingforthefans.co.uk”. Pasi të kryhen audicionet, Rita do të përzgjedhë disa prej tyre dhe do të takohet me ta.
Përveç takimit me yllin kosovar, ata do të kenë mundësi të xhirojnë një miniklip me ekipin e Ritës, duke përfshirë këtu regjisorin, stilistin dhe valltarët e saj.
Rita pas disa ditëve do të fillojë turneun e saj të parë në Angli të titulluar “Radioactive”, i cili pritet të jetë hapi i ardhshëm më i rëndësishmi për të. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
