Rodman boton libër për fëmijë

19:08 / 31.01.2013

Basketbollisti i famshëm amerikan, Dennis Rodman, ka nxjerrë në shitje një libër për fëmijë.

Njëri nga sportistët më kontrovers të të gjitha kohërave, i njohur për skandalet e tij, problemet martesore dhe rolet jo të mira filmike, ka shkruar libër për të vegjlit, në të cilën shkruan për luftën e tij për t’u përshtatur në shoqëri.

Libri titullohet “Dennis The Wild Bull”, ndërsa në ballinë është demi i famshëm i Chicago Bulls.

“Mbi të gjitha dua që fëmijët të kuptojnë se: Nuk është me rëndësi se çfarë bëni në jetë. Nuk është me rëndësi nëse jeni të pasur, të varfër, të njohur ose nuk ju njeh askush. Është në rregull të jeni ata që jeni, sepse me kalimin e kohës shoqëria do t’ju pranojë”, ka deklaruar Rodman. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.