Rona Nishliu në studiot e Berman Brothers

12:22 / 17.01.2013

Rona Nishliu ka fluturuar përsëri drejt Amerikës për të filluar punën e saj me projektet më të reja që është duke i realizuar për vitin 2013.

Suksesi i Ronës pas këngës “Suus” nuk ka të ndalur. Përveç që u mirëprit në vendin tonë, talenti i Ronës u pa edhe në shumë vende të botës, ku ajo mahniti të gjithë me performancën e saj.

Rona tashmë po ndodhet në studion më të njohur në botë, Berman Brothers, produksion me të cilin çdo kush ëndërron të ketë së paku një këngë të realizuar.

Talenti i papërshkrueshëm i Ronës bëri që ajo të lidhë një marrëveshje me këtë produksion, ku tashmë ajo ka filluar incizimin e këngëve, të cilat shumë shpejt do të shpalosen për publikun tonë.

Këtë gjë, Rona e ka bërë të ditur në faqen zyrtare në “Facebook”, ku ka paralajmëruar adhuruesit e saj se shumë shpejt Rona do të sjell risi në skenë, siç di të bëjë vetëm ajo. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.