Sa paguhen këngëtarët tanë?
Me afrimin e festave të fundvitit sigurisht se janë rritur edhe mundësitë e këngëtarëve që të pasurohen dhe të fillojnë vitin sa më mbarë, teksa çmimet që ata kërkojnë janë larg me proporcionet e nivelit ekonomik në vendin tonë. Shumat janë astronomike të këngëtarëve për një koncert janë të zakonshme. Kufinjt i theu Unikkatili gjatë verës, pasi flitet se ai është paguar 150 mijë euro për performancën e tij disa orëshe në Prishtinë.
Nga ana tjetër këngëtarët tjerë të estradës janë larg Unikkatilit, por përsëri, janë tejet të shtrenjt.
Dafina Zeqiri ka një çmim prej tre mijë eurosh dhe të negociosh me të duhet që oferta e parë të jetë e kësaj shume, përndryshe nuk do të mund as të bisedosh me të.
Me të njëjtën shumë paguhet edhe Genta Ismajli, e cila nuk kërkon më pak se tre mijë euro. Adrian Gaxha dhe Floriani i vogësl do të performojnë në Rinora 4 për hiç më pak se katër mijë euro.
Ndër më të paguarit janë këngëtarët e muzikës popullore. Sinan Vllasaliu dhe Labinot Tahiri kanë një çmim prej pesë mijë eurosh. Ky i fundit për katër orë do të marrë pesë mijë euro në një restorant për natën e vitit të ri.
Sidoqoftë, krejt në maje të listës gjenden dy këngëtarë tjerë... të muzikës tallava. Meda kërkon 10 mijë euro për një mbrëmje, teksa çmim të tillë ka edhe Muharrem Ahmeti, që konsiderohet superyll i muzikës tallava.
Në top këngëtarët e paguar futen edhe Tingulli 3nt (5000 euro), Tuna (2000 euro), Flori Mumajesi dhe Elvana Gjata. /Telegrafi/
