Seldi: Edhe tallavaja ka bukurinë e saj
Seldi Qaliu, pjesëmarrësi i Big Brother Albania i cili ka lansuar karrierë muzikore, thotë se secila muzikë i ka bukuritë e veta.“Muzika dhe njerëzit nuk janë të njëjtë. Do të thotë që ajo është thjesht preferencë e çdokujt. Në fund të fundit ato janë nota muzikore dhe besoj se çdo lloj rryme ka bukurinë e saj”, ka thënë Seldi gjatë një interviste për MAPO.
Këngëtari po ashtu ka folur edhe për sezonin e ngjeshur veror, kur puna e tij është e përqendruar në qytetet bregdetare, ndërsa nga tetori deri në maj agjendën e tij e zënë mbrëmjet muzikore në diasporë.
“Jam thuajse çdo fundjavë nëpër qytete të ndryshme të Evropës si dhe në Australi, Amerikë dhe Kanada. Unë nuk di të them nëse jam apo jo më i kërkuari, por di të them që kurrë nuk kam data të lira. Të gjitha i kam të zëna diku për koncerte”, ka shtuar Seldi. /Telegrafi/
