Slash krenar për GN’R
Slash ndjehet krenar për kohën e tij me “Guns N’ Roses”, ndërsa ka thënë se gjithmonë do t’i përfshijë këngët e bendit gjatë koncerteve të tij.Edhe pse ka arritur sukses me grupin “Velvet Revolver” dhe si solo artist, kitaristi ka bërë emër pikërisht me legjendarët e GN’R.
“Jam shumë krenar për atë që kemi bërë në atë grup, mirëpo është kënaqësi kur vlerësohesh për diçka që je duke e bërë tash”, ka thënë 46-vjeçari.
Slash i prishi raportet me frontmenin Axl Rose, në vitet e nëntëdhjeta dhe së bashku me anëtarët tjerë u larguan nga bendi.
Megjithatë, Axl angazhoi anëtarë të rinj dhe vazhdoi të mbante gjallë “Guns N’ Roses”. /Telegrafi/
