Xherdan Shaqiri uron për pesëvjetor

16:02 / 17.02.2013

Superylli shqiptar i futbollit, Xherdan Shaqiri, ka shprehur entuziazmin e tij me rastin e pesëvjetorit të pavarësisë së Kosovës.

 Shaqiri, i cili është lindur në Kosovë, por që është rritur jashtë vendit edhe pse luan për një klub jashtë vendlindjes së tij dhe të prindërve dhe luan për kombëtaren e Zvicrës, me shumë krenari ka treguar se nga vjen.

Ai ka shfrytëzuar rrjetin social Instagram për të shprehur kënaqësinë e tij dhe për të uruar fansat e tij shqiptarë.

“Happy 5 years Kosovo, urime 5 vjetorin e pavarësisë”, ka shkruar Shaqiri bashkangjitur me foton të cilën e shihni më lart.

Xherdan Shaqiri aktualisht luan për Bayernin e Munichut ku është prej lojtarëve kryesorë. Ai të martën udhëton në Londër me ekipin e tij, për t’u përballur me Arsenalin. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.