Vdekja e djalit të Mia Farrow, Thaddeus, është një prej tragjedive të shumta që ka përjetuar aktorja e famshme. Djali i saj, i cili ishte paraplegjik, ka bërë vetëvrasje me armë zjarri në automjetin e tij në Connecticut. Ai ishte 27 vjeç.
“Jemi të pikëlluar me humbjen e Thaddeusit, djalit dhe vëllait tonë të dashur. Ishte një person i këndshëm, i guximshëm që përjetoi shumë vështirësi në jetën e tij të shkurtër. Na mungon”, ka shkruar Mia në rrjetet sociale pas kësaj tragjedie.
Fatkeqësisht, nuk është hera e parë që aktorja humb parakohe një anëtar të familjes. Shumë kohë para vdekjes së Thaddeusit është folur që familja e saj është e mallkuar. 71-vjeçarja deri më tani i ka varrosur tre fëmijë.
Nga viti 1973 e këndej, Mia ka adoptuar dhjetë fëmijë, ndërsa i ka edhe katër fëmijë biologjikë. Nga dhjetë fëmijët e adoptuar, tre kanë vdekur (njëri prej tyre gjatë kohës sa ishte e martuar me Woody Allen). Dy të tjerë kanë thënë se janë keqtrajtuar nga filmbërësi i famshëm, mirëpo kjo nuk është dëshmuar asnjëherë.
Vdekja e Thaddeus Farrow ia ka kujtuar publikut familjen, e cila ishte ndër të parat në Hollywood që filloi të adoptonte fëmijë nga vendet e varfra.
Vet Mia kishte pasur fëmijëri të vështirë. Prindërit e saj kishin problem me vartësinë nga alkooli, ndërsa kishin shtatë fëmijë. Si nëntëvjeçare, ajo ishte sëmurë nga poliovirusi dhe mezi kishte mbijetuar. Aktorja ka treguar se kjo përvojë e kishte detyruar që të merrej me punë humanitare.
Me ish-burrin Andre Previn ka lindur tre fëmijë, nga të cilët më i madhi ka 46 vjet. Pastaj filluan të adoptonin fëmijë. Fillimisht, ata i morën dy vajza nga Vietnami. Katër vite më vonë, adoptuan një vajzë nga Koreja, të cilën e kishte braktisur nëna e saj prostitutë. Nga tre fëmijët e parë të adoptuar, vetëm njëra i mban kontaktet me Mian.
Përkundër gjithë këtyre ndodhive, Mia nuk u ndal së adoptuari fëmijë. Ajo i ofroi strehë një vajze të verbër nga Vietnami, e cila ishte e para që vdiq në moshë 19-vjeçare (në vitin 2000).
Njëra nga vajzat, Lark Song Previn, kishte filluar të merrte drogë dhe në moshën 20-vjeçare u infektua me HIV. Dy fëmijët e saj (vajza) lindën të infektuara me HIV dhe jetuan në varfëri, pasi ajo nuk mund të kujdesej për to. Lark ishte 35 vjeçe kur vdiq nga pneumonia, si komplikim i AIDS-it, në vitin 2008. Gjatë kësaj kohe Mia ndodhej në Kongo për punë humanitare.
Vajza e adoptuar nga Koreja, Soon-Yi Previn, kishte nisur një aferë me Woody Allen gjatë kohës sa aktori dhe regjisori ishte në lidhje me nënën e saj, Mia. Madje vajza e braktisi nënën dhe u martua me filmbërësin e famshëm. Kurrë më nuk kanë folur me njëra-tjetrën.
Skandalet për abuzime seksuale dhe fizike vazhduan, si ndaj Mias ashtu edhe ndaj Allen. Pas të gjitha këtyre tragjedive, Mia e kuptoi se vajzën e saj Dylan (të cilën e kishte adoptuar në SHBA në vitin 1985), Allen e kishte keqtrajtuar seksualisht kur ajo ishte shtatëvjeçare, ndërsa filmbësrësi i ka mohuar këto pohime.
Pjesë e familjes së aktores u bë edhe një djalë afro-amerikan, të cilin e kishte braktisur nëna e tij narkomane. Po ashtu, Mia adoptoi një tjetër vajzë të verbër nga Vietnami, e cila ishte rritur e rrethuar nga drogat dhe në varfëri.
Thaddeusin e adoptoi në vitin 1994, pasi ishte braktisur në Calcutta si fëmijë. Ai ishte paraplegjik dhe kishte vuajtur nga poliovirusi. Lypte para rrugëve, ndërsa në jetimore e kishin rrahur fëmijët tjerë. Tre vite më parë kishte nisur të punonte si automekanik dhe mësonte për punën në polici. Mirëpo, ditë më parë ai i dha fund jetës për motive ende të panjohura. /Telegrafi/
Lufta Prigozhin - Putin
Më shumë"Nuk kanë pasur kurrë vajzë të bukur nga Kosova", një video e Rita Orës po bën xhiron në internet
Betejë me Top Channel, Olsi Bylyku thirret përpara Gjykatës
Shkurte Fejza jep lajmin e madh për nder të 50-vjetorit të karrierës
Luka Modric bleu një apartament luksoz në Zagreb - aty ku pritet të kthehet për të jetuar
Donaldi fluturon me helikopter mbi shtëpinë e BBVA për t'i bërë befasi Romeos, tregon se si duket shtëpia e famshme nga lart
"O Bes Kallaku", reagimi epik i Xhensilës kur fansat i përmendin ish-partnerin në koncert
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre