LAJMI I FUNDIT:

Masa e protestuesve nesër, përcakton fuqinë e “fraksioneve” politike në Kosovë

Masa e protestuesve nesër, përcakton fuqinë e “fraksioneve” politike në Kosovë

Një ditë e ndanë opozitën e bashkuar nga protesta tashmë shumë e përfolur e 14 majit.

Siç dihet, pjesë e opozitës së bashkuar nuk është partia më e madhe opozitare, Lëvizja Vetëvendosje.

Aleanca për Ardhmërinë e Kosovës dhe Nisma për Kosovën, nesër do të protestojnë kundër ratifikimit të marrëveshjes së Demarkacionit, e cila është nënshkruar më 25 gusht të viti të kaluar, në Vjenë.

Kjo pasi që Opozita kërkon ridiskutimin e kësaj marrëveshje, e cila po tashmë e një kohë ka mbetur e pa ratifikuar nga ana e Kuvendit të Republikës së Kosovës.

Mirëpo çfarë thonë njohësit e kësaj fushe në lidhje me protestën e ditës së nesërme?

Analisti Nexhmedin Spahiu, në një prononcim për Telegrafin ka thënë se protesta e ditës së nesërme do të jetë vendimtare për zhvillimet e mëtutjeshme politike.

Sipas tij, masa e protestuesve e përcakton ndikimin e politikës së mëtutjeshme të Kosovës.

“Protesta e ditës së nesërme do të ndikojë në zhvillimet politike në të ardhmen. Krejt kjo varet sa do të jetë e madhe apo e vogël masa në protestë. Nuk mund të paragjykojë se a do të ketë dalje masive”, ka vlerësuar Spahiu.

Ndërsa Azem Vllasi ka thënë se nuk do të ketë efekt kjo protestë, pasi janë shterur të gjitha mundësitë për një formë të tillë proteste.

Sipas tij, pas protestës së 9 janarit dhe 17 shkurtit “nuk do të nxjerrin asgjë me protestën e 14 majit”.

“Mundësia e vetme nga opozita që të kenë efekt me kundërshtimin e tyre është që të shkojnë në Kuvend dhe përmes argumenteve të veta që i kanë në lidhje me kërkesat të bëjnë luftë parlamentare para opinionit. Besoj që për kërkesat e veta kanë argumente. Lufta parlamentare do të ketë efekt më të madh”, tha ai për Telegrafin.

Ndryshe, protesta do të mbahet ditën e nesërme në sheshin Skënderbeu, në orën 14:00 kundër marrëveshjes së nënshkruar nga ana e udhëheqësve shtetëror të Republikës së Kosovës. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

Lajme
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Si do të mund t'i drejtohen kosovarët Gjykatës së Strasburgut?

Si do të mund t'i drejtohen kosovarët Gjykatës së Strasburgut?

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Kalo në kategori