Banorët e lagjeve të reja siç janë Mati 1, Kalabria e Arbëria edhe këtë vit dimrin do ta kalojnë pa ngrohje nga Termokosi. Edhe pse ishte premtuar që këto lagje sidomos Mati 1, do të kyçen ne rrjetin ngrohës kjo s’ka ndodhur, pasi që kjo fazë është shtyrë për vitin 2017-2018.
Termokos e ka rritur cilësinë dhe sasinë e ngrohjes pas kyçjes nga blloqet e Termocentralit “Kosova B” të KEK-ut
Por në mungesë të ngrohjes nga Termokos, faturat e rrymës gjatë dimrit janë për rreth 40 për qind më të larta, pasi gjatë kësaj periudhe faturat llogariten me tarifa dimërore.
Zëdhënësja e Termokosit, Afërdita Uka ka thënë për Telegrafin se zgjerimi i rrjetit me fonde të Komisionit Evropian dhe Komunës së Prishtinës përfshin periudhën 2017-2018.
“Projekti për zgjerim të rrjetit të ngrohjes në lagjen Mati 1 është planifikuar për vitin e ardhshëm nëse arrijmë të sigurojmë një donacion nga Komisioni Evropian”, tha ajo.
Uka ka treguar se përgatitjet për fillimin e sezonit ngrohës 2016/2017 janë në vlugun më të madh.
”Në kuadër të përgatitjeve për fillimin e sezonit të ri ngrohës janë edhe punimet, që po zhvillohen në kuadër të fazës së dytë të Projektit të kogjenerimit-rehabilitimi i rrjetit, ndërrimi i rreth 10 km gypave të vjetër të ngrohjes me gypa të rinj të paraizoluar si dhe riparimi komplet i 50 nënstacioneve të ngrohjes”, ka bërë të ditur zëdhënësja e Termokosit.
Riparimet, që janë duke u kryer në rrjetin ngrohës kapin vlerën e mbi 4 milionë eurove.
Rritja e cilësisë së ngrohjes ka rritur edhe pagesën e ngrohjes nga qytetarët thonë në Termokos.
“Në raport krahasues me vitin e kaluar shkalla e inkasimit është ngritur për 42 për qind. “Konsiderojmë se një impuls të mirë në kryerjen e pagesave nga konsumatorët tanë ka qenë edhe Ligji për faljen e borxheve publike, i cili do të jetë në fuqi deri më 2 shtator. Andaj, edhe një herë ju bëjmë thirrje të gjithë konsumatorëve, që në këto pak ditë që kanë ngelur të shfrytëzojnë mundësitë e shumta, që ofron ky ligj për shlyerjen e borxheve të grumbulluara me vite”, ka thënë Uka.
E, zyrtari për informim në Komunën e Prishtinës, Erzen Vraniqi, ka thënë për Telegrafin se Termokosi nuk ka pasur mjete për ta zgjeruar rrjetin ngrohjes nëpër lagjet e reja. “Termokosi nuk ka pasur mjete për ta zgjeruar rrjetin ngrohës këtë vit. Zgjerimi i rrjetit ngrohës mbetet të bëhet vitin tjetër dhe shpresojmë se kjo ndërmarrje do të sigurojë mjete të mjaftueshme”, ka thënë Vraniqi.
Ndryshe sipas ndërtuesve në lagjet e reja në Prishtinë, mos shtrirja e rrjetit ngrohës të Termokosit i dëmton ata si ndërtues pasi që ndikon në shitjen dhe në çmimin e banesave. /Telegrafi/
Lufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Edhe një ditë ka mbetur nga Panairi më i madh në Kosovë “Horeca”
Shijo detin e krejt stinëve në “Holiday In 2”
Modë apo relaks?
Të hyra mbi 500 milionë euro, Dogana shënon rekord të ri
Projekte të reja për zhvillimin e aftësive do të financohen nga Fondi Rajonal i Sfidave në Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën