LAJMI I FUNDIT:

Mbrojtja e Ajtene Krasniqit thotë se prokuroria s’ka prova se ilaçi ishte toksik

Mbrojtja e Ajtene Krasniqit thotë se prokuroria s’ka prova se ilaçi ishte toksik

Hetimet në rastin e Ajtene Krasniqit, e cila u arrestua një ditë më parë me dyshimet se kishte prodhuar ilegalisht ilaçin i cili shëronte bakterin “Escheria Coli”, pritet të zgjerohen.

Prokuroria tashmë ka kërkuar 30 ditë paraburgim për Ajtene Krasniqin, me arsyetimin se ajo mund ta përsërisë veprën apo ka rrezik të ikë.

Hetimet për më tepër se 1 vit të njësisë së krimeve ekonomike treguan se medikamenti NT-41, të cilin e kishin përdorur shumë pacientë, kishte përbërje toksike dhe ishte prodhuar në kushte jo adekuate.

Avokati i Ajtene Krasniqit thotë se nga analizat laboratorike të cilat i posedon ai, nuk tregojnë ndonjë provë e cila dëshmon se ilaçi i prodhuar nga Krasniqi kishte përbërje toksike.

Familjarët e Ajtene Krasnqit nuk kanë pranuar të flasin para kamerës, kanë thënë se kanë të gjitha dokumentet dhe analizat e bëra në shumë shtete, të cilat tregojnë se ilaçi nuk ishte toksik.

Agjencia Kosovare për Produkte dhe Pajisje Medicinale, që ishte pjesë e bastisjeve në shtëpinë e Ajtene Krasniqit, ka thënë se nuk ka asnjë të dhënë për përbërjen e ilaçit NT-41.