Mësime politike… nga Messi!
E kisha parashikuar që rekordi i Gerd Myler nga Lionel Messi do të thyhej në datën 9 dhjetor… dhe, u thye. Fitorja 2-1 ndaj Betis në ndeshjen e të dielës ka gëzuar Lionel Messin, i cili ka thyer rekordin 40 vjeçar të Gerd Myler, duke shënuar 86 gola në një vit kalendarik. Por, në këtë vit historik për të, argjentinasi mendon se është një futbollist tjetër që e meriton “Topin e Artë”, shoku i tij i skuadrës, Adres Iniesta.
“Nuk do të më vinte aspak keq sikur ‘Topin e Artë’ ta merrte Andres Iniesta. Ai e meriton plotësisht atë për gjërat që po bën ndeshje pas ndeshje. Një trofe i tillë do të ishte një çmim edhe për skuadrën”, tha Messi në përfundim të ndeshjes.
Sipas tij, rekordet e thyera janë shumë të bukur, por e rëndësishme është të sigurohen trofetë në fund të sezonit.
“Është shumë gjë e bukur të thyesh këtë rekord, për atë që nënkupton, por është më e rëndësishme fitorja që na mundëson të ruajmë distancën me pjesën tjetër të skuadrave, kjo është ajo që kërkonim nga kjo ndeshje. Objektivi im kur filloi sezoni ishte të arrija edhe një herë të fitoja gjithçka në nivel skuadre: Kampionatin, Ligën e Kampioneve dhe Kupën. Ky vazhdon të jetë objektivi kryesor”, konfirmoi sulmuesi argjentinas.
Sa kënaqësi është të dëgjosh mesazhe të tilla modestie e dashurie dhe respekti për shokun dhe punën e tij.
Një deklaratë e tillë s’ka si të mos të prekë zemrën e çdo njeriu, si dhe xhelozinë për këtë nivel të lartë të mirësisë e dashurisë njerëzore. Fituesi i ”Topit të Artë” dhe lojtari më i mirë në botë në këto katër vitet e fundit, ”jashtëtokësori” apo ”gjeniu i futbollit”, Lionel Messi, i cili meriton më shumë se kushdo tjetër çdo lëvdatë e nderim, jep shembuj të tilla modestie, respekti, për punën e shokut dhe frymën e ekipit, jo të unit.
Ai (Messi), një futbollist i thjeshtë, pa çka se më i miri në botë, u jep leksione edhe politikanëve dhe udhëheqësve kudo në botë, sidomos atyre në vendin tonë, që duan të vdesin në krye, për rotacionin njerëzor edhe në vlerësim dhe që vënë mbi të gjithë shpirtin e ekipit, frymën e kolektivitetit mbi atë të unit, të njëshit. Kishim edhe ne shqiptarët një thënie të madhe e të mençur popullore: “Trimi i mirë me shokë shumë”, pa çka se trima e djem të zotët si Messi i kanë shokët e rrallë.
Por, tek ne ajo shprehje e bukur është lënë në harresë nga praktika e sundimit dhe e kultit të individit! Dhe, për këtë quhet Lionel Messi, një lojtar i madh, se nuk është vetëm loja që ja rrit këtij njeriu, prestigjin, por është njerzillëku dhe respekti që ka për ata që e ndihmojnë atë që të jetë një lojtar i madh dhe një i tillë është dhe Iniesta, që me lojën e tij, bashkë me Xavin, i japin Messit atë shërbim që ai kërkon në çdo kohë.
Është i vetmi lojtar në botë që s’ka asnjë lloj tangarlliku dhe që respekton të tjerët. Prandaj, nuk ka asnjë dyshim që edhe për herë të katërt radhazi, lojtari më i mirë në botë në këto katër vitet e fundit, ”jashtëtokësori” apo ”gjeniu i futbollit”, Lionel Messi, do të fitojë ”Topin e Artë”, jo vetëm shkaku i thyerjes së rekordeve botërore të lojtarëve më të mëdhenj në histori të futbollit, por se një gjë të tillë e meriton.
Lufta Prigozhin - Putin
Më shumëPse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia