Bastri Istrefi, nga Mitrovica, është edhe një veteran tjetër që u zhgënjye shumë nga paslufta. Jo për kontributin që kanë dhënë ai dhe shumë të tjerë në luftën e fundit të UÇK-së, por meritat e tyre nuk u vlerësuan asnjëherë. Istrefi pas shumë vitesh arrin të gëzojë vetëm një pagesë prej 170 eurosh, e drejtë kjo që e gëzon si veteran i luftës, por jo edhe një vend pune ku, siç tha ai, do t’i jepej mundësia t’u dilte në ndihmë familjes së tij 6-anëtarëshe.
I harruar nga të gjithë, ai thotë se nga pas lufta nuk gëzoi të drejtën për kulm mbi kokë.
Sipas tij ka më shumë se njëzet herë që problemin e tij të banimit e ka paraqitur në Komunën e Mitrovicës. Istrefi ka shpjeguar më tej se shtëpia në Bajgorë i është djegur dhe se atje më nuk ka pasur mundësi të kthehet përderisa endja nga një shtëpi në tjetër ka bërë që të heq të zitë e ullirit.
“Nuk kam fjalë të përshkruaj gjithë këto që po heq nga paslufta. Jam endur nga një shtëpi në tjetrën duke paguar edhe qira, ndërsa në anën tjetër kam jetuar deri vonë me vetëm me një ndihmë sociale prej 75 eurosh”, ka pohuar ai.
Istrefi kujton se si me mjaft vullnet i është bashkangjitur luftës, duke shpresuar në ditë më të mira në liri. Por, tash thotë se ish-luftëtarët janë për keqardhje, sepse mundi i tyre e nuk u shpërblye si kontribuues i luftës.
“Vërtetë nuk e kam menduar kështu. Kam shpresuar për ditë më të mira”, është shprehur Istrefi.
E duke shpjeguar nëpër hallet e tij ka thënë se ka mbetur disa herë edhe pa energji elektrike, sepse nuk ka pasur mundësi ta paguajë vetë.”Tash prej këtij viti, kur edhe e kam marrë pensionin si veteran i luftës, po e paguaj, ndërsa derisa kam qenë vetëm me një ndihmë sociale nuk kisha mundësi dhe shpesh KEK-u na ka lënë në terr me fëmijë”, u shpreh Istrefi.
Por, të këqijat e tij nuk përfundojnë vetëm me kaq. Istrefi ka shpjeguar se për shkak të kushteve të vështira ekonomike i është dashur që t’ia ndalojë shkollimin e mëtutjeshëm djalit të madh.
“Çka të bëja me një ndihmë sociale atëherë, t’u ofroj bukë familjes, apo t’ia vazhdoja shkollimin e mesëm djalit të madh. Bashkë me atë vendosëm që ai të mbesë pa shkollim të mëtutjeshëm, ndërsa sot e kam pikë në zemër pse nuk kam pasur mundësi si kryefamiljar ta shkolloj atë”, thotë Istrefi me vaj në buzë.
Istrefi as tani nuk ka bërë zgjidhje të banimit, ani pse të ardhurat e një veterani të luftës janë pak më të mira sesa ajo që ka marrë si ndihmë sociale.
“Tani jemi vendosur në këtë shtëpi, qira nuk po paguajmë, por edhe kjo shumë që e gëzojmë sot janë të pamjaftueshme për gjashtë anëtarët e një familje”, shprehet Istrefi, duke shtuar se tash këto ditë kanë mbetur edhe pa një cent në shtëpi dhe kanë kërkuar ndihmë tek një fqinj.”Po, po mungon gjithçka, nga kushtet elementare e deri tek buka, nganjëherë”, shprehet ai.
Ndryshe, edhe pse po banonin në një shtëpi ku nuk janë të obliguar të paguajnë, objekti aspak nuk i plotësonte kushtet për banim. Ishte një objekt i vjetër, me mure të qara dhe i ndërtuar nga një material i dobët, që u përket kohëve të kaluara.
Istrefi ka edhe një hall më shumë tani për vete dhe familjen e tij, pasi shtëpia mund të rrënohet dhe t’i zërë në gjumë. “Kur fryjnë erërat dhe kur ka të reshura nuk flemë unë dhe bashkëshortja. Kemi hallin se do të na rrënohen muret dhe do të na zërë çatia”, u shpreh ai.
Por, sido që të jetë kjo familje, sikurse edhe shumë familje të tjera, ka nevojë për ndihmë. Istrefi dhe familja e tij nuk kanë shpresa se vetë do të kenë mundësi të ndërtojnë një objekt tjetër, pasi siç tha vetë ai nuk kanë as truall. Ai edhe pse i aftë për punë thotë se ka kërkuar 100 herë, por që nuk i është afruar ndonjë mundësi në Mitrovicë.
“Po, kam kërkuar punë, nuk kam dashur të rri duarkryq dhe të pres nga të tjerët, por askush nuk e ka marrë parasysh kërkesën time”, është shpreh ndër të tjera ai. Ndërkohë, kjo familje kërkon ndihmë për zgjidhjen e banimit, shkruan Kosova Sot.
Lufta Prigozhin - Putin
Më shumë"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Lajçak pas takimit trepalësh në Bruksel: Paraqita një dokument kompromisi për “çështjen e dinarit”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën