Moody’s uli vlerësimin sovran të kreditit të Turqisë në kategorinë “mbeturinë”, duke theksuar shqetësimet mbi sundimin e ligjit dhe rreziqet nga një ekonomi në ngadalësim, një lëvizje që mund të frenojë miliarda dollarë investime.
Turqia varet nga flukset e investimeve për të financuar defiçitin e llogarisë korrente, që është më i lartë në grupin e 20-të, dhe për t’i shërbyer borxhit të jashtëm. Zhvlerësimi i kreditit mund të detyrojë që vendi të paguajë më shumë për të marrë hua në tregjet ndërkombëtare.
Kryeministri i vendit, Binali Yildirim, tha se lëvizja e fundit tregon se Moody’s nuk po tregohet i paanshëm dhe nuk është mbështetur vetëm në faktorët ekonomik. “Besojmë se po përpiqen të krijojnë një perceptim të caktuar mbi ekonominë e Turqisë”, thotë ai. Agjencia e vlerësimit të kreditit uli borxhin afatgjatë të emetuar nga qeveria turke në shkallë jo-investimi, apo Ba1 nga Baa3 që qëndronte.
Megjithatë, agjencia e mbajti perspektivën në të qëndrueshme, duke thënë se ekonomia elastike prej 720 miliardë dollarë e Turqisë, si dhe historiku i fortë fiskal, kompensojnë për presionet që vijnë nga bilanci i pagesave.
Zhvlerësimi erdhi pas një reduktimi me 2 shkallë poshtë gradës së investimeve nga Standard & Poor’s direkt pas trazirave të muajit Korrik. Fondet tradicionale të investimeve zakonisht kërkojnë që vendet të kenë të paktën 2 vlerësime në shkallë investimi nga agjencitë kryesore, që të investojnë. Vetëm agjencia Fitch Ratings e ka lënë Turqinë në shkallë investimi.
“Arsyet e zhvlerësimit janë, rritja e rreziqeve në lidhje me kërkesat e jashtëzakonshme për financim të jashtëm të vendit si dhe prej dobësimit të themeleve dikur mbështetëse të kreditit, veçanërisht fuqisë institucionale”, shkruan agjencia në deklaratën pas lëvizjes.
JP Morgan theksoi në muajin Korrik se investitorët mund të shesin rreth 10 miliardë dollarë tituj borxhi sovran dhe të korporatave të Turqisë, nëse vlerësimi shkon në nivelin “mbeturinë” nga 1 prej 3 gjigantëve të vlerësimit të kreditit. Turqisë i duhet të tërheqë 200 miliardë dollarë në vit për të financuar defiçitin e llogarisë korrente dhe t’i shërbejë borxhit në valutë të huaj. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
EBC Cosmetics vjen me zbritjen më të madhe vjetore
Karnavali Golden Eagle bashkon artistët më të mirë shqiptarë
Biznesi po merr teposhtën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë