Moti gjatë javës: Vranësira, të reshura, e pak diell!

Masat e ajrit të cilat kanë burimin nga ana jugperëndimore e kontinentit, nuk do të jenë stabile. Kështu, duke filluar nga dita e parë e javës së ardhshme, vendi do të përfshihet nga vranësirat e dendura të cilat do të krijojnë kushte për reshje shiu të intensitetit të dobët dhe mesatar.

Vlera minimale e temperaturës do të luhatet në mes 8-11 gradë celsius, kurse maksimalet e ditës do të arrijnë deri në 17 gradë. Do të fryjë erë e lehtë dhe mesatare me shpejtësi 1-4m/s.

Edhe dita e martë do të shoqërohet me vranësira të dendura të cilat do të sjellin reshje shiu. Temperatura minimale do të luhatet në mes 9-12, kurse maksimalet e ditës do të arrijnë deri 17C. Do të fryjë erë e lehtë dhe mesatare drejtimesh të ndryshme.

Duke filluar nga dita e mërkurë e deri në fund të javës, Kosova do të ndikohet nga masat e thata të ajrit me presion stabil mbi mesataren, gjë që kjo gjendje e motit do të krijojë kushte që të kemi mot stabil, me pak vranësira dhe me orë të mjaftueshme me diell.

Temperaturat do të jenë në ngritje të lehta. Minimalet do t’i ruajnë vlerat që kanë, kurse maksimalet do të arrijnë deri 22 gradë. Do të fryjë erë e lehtë dhe mesatare nga ana e lindjes dhe juglindjes. /Telegrafi/