0Shares

Ministria e Tregtisë dhe Industrisë (MTI), do të shpenzoi hiq më pak se 26 mijë e 560 euro për publikimin e njoftimit për shprehje të interesit për projektin e Brezovicës në dy gazeta ndërkombëtare, “The Economist” dhe “Financial Times”.

MTI-ja të dy gazetat i ka përzgjedh përmes procedurës së negocimit duke mos shpallur fare tender. Në njoftimin e KRPP-së shihet se MTI për këtë shërbim do t’i paguajë 15 mijë euro gazetës britanike “The Economist”, përderisa 11560 euro për gazetën tjetër “Financial Times”.

Në arsyetimin e MTI-së thuhet se “Publikimi i Njoftimit Për Shprehje të Interesit për Projektin e Brezovicës në gazetën prestigjioze –The Economist”, do të bëhet për nevojat e realizimit dhe implementimit të projektit të Brezovicës dhe për nevojat e tërheqjes dhe informimit të investitorëve potencialë do të shpallet njoftimi për shprehje të interesit për projektin e zhvillimit të qendrës turistike të Brezovicës, raporton Orainfo.

Në mënyrë që të sigurohet një garë transparente mes firmave më të njohura të profilit të kërkuar dhe të arrihet që ky njoftim të arrije tek këto firma MTI publikon këtë njoftim ne gazetën “The Econmist” dhe “Financial Times”. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)