Tingujt shqiptarë pushtuan këtë vit Vjenën perandorake të Koncertit të madh të Vitit të Ri. Kabaja e famshme shqiptare, apo kënga e bukur e jugut, shoqëruan pamjet madhështore të kryeqytetit austriak, nën interpretimin e violinistit shqiptar Shkëlzen Doli dhe ansamblit të tij filarmonik, së bashku me mjeshtrin e klarinetës Hekuran Xhambali.
Televizioni austriak “ORF” dhe regjisori Feliks Breisach e ilustruan videon me muzikë shqiptare me pamjet e bulevardit më të famshëm të Vjenës, që këtë vit feston 150-vjetorin e inaugurimit të tij nga perandori Franc Jozef.
Top Channel ka marrë pjesë ekskluzivisht në këto xhirime të rralla, ku muzika jonë, muzika shqiptare, bëhet njësh me historinë e zemrës së Evropës.
“Në fillim kishim menduar ta fillonim me pjesën e Richard Straus dhe pjesa shqiptare ishte e katërta në radhë. Por, vendosëm ta ndryshojmë radhën dhe ta fillojmë me muzikën shqiptare, sepse ajo është kaq shpërthyese, ka kaq shumë atmosferë brenda saj, dhe zhvendosëm pjesën e Richard Strausit në vendin e dytë”, tha Rudi Heidelinder, redaktore e “ORF”.
Emisioni ekskluziv i kësaj të diele sjell të gjitha momentet e xhirimeve në Vjenë dhe zbulon rrugëtimin e kësaj ëndrre të bukur, që e afroi më shumë se kurrë kulturën shqiptare me një prej traditave më të vjetra evropiane.
“Ideja ime për të eksploruar muzikën shqipe ka qenë gjithmonë prezente. Gëzohem edhe më shumë, pasi m’u dha rasti që në Koncertin e Vitit të Ri, krahas muzikës klasike, të luaj edhe një pjesë shqiptare. Ne kemi aq shumë motive të bukura, sa që gjithë bota duhet t’i njohë”, tha Shkëlzen Doli.
“Shkëlzeni më ka paraqitur pak nga muzika shqiptare dhe është fantastike, diçka që ka një temperament të veçantë, një natyralitet dhe vërtetësi, por edhe ndjeshmëria është mbresëlënëse”, tha Andreas Grossbauer, drejtor i orkestrës së Filarmonisë së Vjenës.
Lufta Prigozhin - Putin
Më shumëParaqitja e tmerrshme e Mbretëreshës së ndjerë flet për fundin e epokës së statujave
INTIME
“Liria e së nesërmes”: A e njeh ky njeri rrugën e paqes mes Izraelit dhe Palestinës?
Thënie nga Franz Kafka: Zoti t'i jep arrat, por nuk t'i thyen ato!
Edicioni i pestë i Kolonisë Letrare “Muzat e Jezercit”
Titujt në gazetat e Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë