Dje është mbajtur referendumi i parë në Kosovë, pasluftës, pasi një i tillë thuhet të jetë mbajtur paraluftës për çështje të pavarësisë. Po aty nuk u respektua as Kushteuta e Kosovës, as Ligji për Vetëqeverisje Lokale e as Statuti i Komunës.
Fshati Dubravë dje votoi në referendum për një parcelë, në të cilën duhej apo jo të ndërtohej xhamia. Ata vendosën me 266 vota që duhet të ndërtohet xhamia, kurse vetëm një person kishte votuar kundër.
Por a është ky referendum i ligjshëm?
Zyrtari ligjor në Komunën e Suharekës, Avni Bytyqi i ka thënë TherandaPostit që referendumi ka qenë i ligjshëm ngaqë është mbështetur në statutin e Komunës së Suharekës, duke potencuar decidivisht nenin 25, me anë të cilit “Për çështjet me interes të përgjithshëm, që kanë të bëjnë me kompetencat e Komunës, për të cilat Kuvendi i Komunës, për arsye të ndryshme, nuk merr vendim përfundimtar, Komuna organizon referendum”. Bytyqi potencon se mbi të gjitha është opinioni i qytetarëve.
Por, neni 25, në pikën 25.3 sqaron se kërkesa duhet t’i dorëzohet kryesuesit të Kuvendit të Komunës, brenda 30 ditësh nga data e miratimit të rregullores e cila duhet të nënshkruhet nga 10% e votuesve të regjistruar.
Nga Statuti i Komunës së Suharekës
Njëjtë sqarohet edhe në Ligjin për Vetëqeverisje Lokale, neni 71 [Referendumi], që përcakton që kërkesa duhet t’i dorëzohet kryesuesit të kuvendit, brenda 30 ditësh nga data e miratimi të rregullores e cila duhe të nënshkruhet nga 10% e votuesve të regjistruar. E një gjë e tillë nuk ka ndodhur.
Nga Ligji për Vetëqeverisje Lokale
Kryesuesi i Kuvendit Komunal të Suharekës, Refki Gega i ka thënë TherandaPostit se atij nuk i ka ardhur as edhe një kërkesë e shkruar ligjore, përveç se i është thënë verbalisht.
Por, Kushtetuta e Kosovës, akti më i lartë juridik i vendit, përcakton një gjë tjetër për referendum, që në Suharekë nuk ka ndodhur.
Te neni 139 [Komisioni Qendror i Zgjedhjeve], thuhet se ky komision përgatit, mbikëqyr, drejton dhe verifikon të gjitha veprimet që kanë të bëjnë me procesin e zgjedhjeve e referendumeve dhe shpall rezultatet e tyre.
Nga Kushtetuta e Kosovës
Dje në Dubravë, asnjë zyrtar i KQZ-së nuk ka qenë prezent. Mirëpo, Komuna e Suharekës i është drejtuar KQZ-së, e kjo e fundit për 23 minuta i ka kthyer përgjigje zyrtarit ligjor të Suharekës, Avni Bytyqi.
Kërkesa e Komunës së Suharekës është shtrirë në atë fushë që ata i kanë kërkuar KQZ-së, që t’ia ofrojë mbështetjen profesionale dhe teknike lidhur me organizimin e referendumit dhe angazhimin e Zyrtarit të lartë komunal për zgjedhje, Skender Qelaj.
Shefi i Sekretariatit të Komisionit Qendror të Zgjedhjeve, Enis Halimi i ka kthyer përgjigje Komunës së Suharekës, ku thotë: “z.Skender Qelaj është i autorizuar që brenda kapaciteteve të vet si ZLKZ të ofroj ndihmesën e vet për këtë aktivitet tuajin”.
TherandaPost ka trokitur në derën e Skender Qelajt në Komunën e Suharekës, por ai nuk ka qenë aty, ndërsa zyrtarë tjerë kanë thënë që është në pushim.
I gjithë procesi është organizuar nga patronati i Kryetarit të Komunës së Suharekës, i cili ka formuar një ekip sipas zyrtarit Bytyqi.
“Kryetari i Komunës ka krijuar një komision ku kanë qenë Drejtori i Administratës, Vitor Markaj, Drejtori i Kulturës, Rinisë, Sportit dhe Mërgatës, Nuhi Llugaxhiu dhe unë, zyrtari ligjor, Avni Bytyqi”, ka thënë ai, duke shtuar se pas takimit me kryesinë e fshatit janë caktuar edhe dy përfaqësues të fshatit: Vesel Maliqaj dhe Kadri Krasniqi.
Të gjithë këta kanë marrë pjesë dje në procesin e votimit, duke shtuar edhe një përfaqësuese të Shoqërisë Civile, Mirjeta Kolgeci. Kjo e fundit nuk dihet se si ka hyrë në këtë mes, pasi kryetari i Këshillit të Veprimit Lokal në Suharekë, Butrint Lumi ka thënë se askush nuk e ka pyetur dhe nuk i ka kërkuar asnjë përfaqësues.
Kolgeci njihet si aktiviste e Forumit Rinor të LDK-së dhe kjo paraqet një shkelje, ngaqë KVRL është një këshill i cili zgjidhet në secilën komunë të Kosovës, e më pas përbëjnë Këshillin
Qendror të Kosovës, që i përfaqëson të rinjtë në institucionet shtetërore. Ndryshe, KVRL është një ombrellë e të gjitha organizatave jo-qeveritare në një komunë dhe në këtë rast nuk është marrë parasysh fare.
Lufta Prigozhin - Putin
Më shumëMacron bisedon në telefon me Kurtin - e lidh anëtarësimin e Kosovës në Këshill të Evropës me zbatimin e Asociacionit
Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral
Mujanoviq: Regjimi në Beograd dëshiron të rrezikojë Bosnjën, Malin e Zi dhe Kosovën
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Abdixhiku i bindur se LDK-ja do të jetë formuese dhe bartëse e Qeverisë së ardhshme: Ditën e parë do ta rrisim koeficientin
BE-ja mbështet Serbinë për muri - nëse e pengon Kosovën në organizatat ndërkombëtare, do t'i bllokohet procesi i anëtarësimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj