LAJMI I FUNDIT:

Ngjarjet që karakterizuan vitin 2012 për yjet shqiptare

Ngjarjet që karakterizuan vitin 2012 për yjet shqiptare

Edhe ky vit ishte mjaft produktiv për sa u përket ngjarjeve që ndodhën, nga skena muzikore e deri te ajo personale. Festivale, martesa, fejesa, e gëzime familjare, përjetuan yjet tona.

Në fillimin e verës, reperi nga grupi Kaos, Lumi, i dha fund beqarisë duke u martuar me të dashurën e tij Mirandën, me të cilën pas pak muajsh ata krijuan edhe familje. Lumi u bë baba i një djali të vogël, të pagëzuar me emrin Blini.

Pos Lumit, edhe shumë yje tona u bënë prindër këtë vit. Aurela Gaçe u bë nënë duke e quajtur vajzën e saj Grace. Edhe pse shumë shpesh në media, Aurela ka pranuar frikën e saj sa i përket martesës, si duket ideja për tu bërë nënë, ia ndryshoi mendimin e saj. Ajo lindi në nëntor, dhe tashmë po shijon ndjenjën më të mirë, e martuar dhe me fëmijë.

Po ashtu edhe aktoret tona të famshme të serialeve kosovare, Yllka Gashi dhe Blerta Syla, kanë lindur fëmijë. Blerta, e cila është e martuar me publicistin Veton Surroi, për herë të dytë u bë nënë e një djali të vogël.

Por hera e parë që lindi ishte e Yllka Gashit. Aktorja e serialit “Familja Moderne”, pas martesës së saj me Albianin, sollën në jetë një vajzë. Për një kohë ajo u shkëput nga aktrimi, por tash sërish e kemi atë në ekranet tona.

Ky vit ishte shumë i suksesshëm për Alban Skenderajn. Përveç suksesit të madh që kishte ai me klipin “Mirëmëngjes”, ai u bë pjesë e shout më të madh muzikor në botë “X Factor Albania”, prej të cilit dolën në pah shumë talentë të mëdhenj. Po ashtu me pjesëmarrjen e tij në “Video Festin Muzikor 2012”, ai rrëmbeu çmimin e madh. Por kjo fitore nuk ishte e fundit për të. Kënga Magjike 2012, ishte trofeu i radhës të cilën Albani e dërgoi në shtëpi.

Por suksesin e saj, kulminacionin në karrierë deri më tani, këtë vit e mori Rona Nishliu. Ajo mori pjesë në Festivalin e Këngës në RTSH me këngën “Suus”, e cila u punua nga kompozitori i madh shqiptar Florent Boshnjaku. U cilësua nga kritikët e muzikës si njëra ndër këngët më të mira shqiptare. Mori vlerësime të mëdha nga njerëz të spektrit profesional të muzikës, gazetarisë, e kritikë pozitive nga e gjithë bota.

Po ashtu ,kryeministri i Shqipërisë çmoi lartë talentin e Ronës, duke e bërë publik pasionin e tij për zërin e saj. “Rona Nishliu është një talent i rrallë që më ‘marros’ nga dëshira për ta dëgjuar”, ka thënë Sali Berisha në një intervistë në Shqipëri.

Por jo vetëm trojet shqiptare u mahnitën me një talent si Rona. Pjesëmarrja e saj në Eurosong 2012, la gojëhapur shumë shtete të Evropës. Performanca e saj, preku të gjithë publikun, e disa edhe shpërthyen në lot, edhe pse e gjithë kënga është kënduar në shqip.

Rona e pozicionoi Shqipërinë në vendin e pestë për këtë vit, ndërsa kënga “Suus” ishte ndër këngët më të dëgjuara të Eurovizionit në të gjitha vendet pjesëmarrëse.

“2012, një vit tepër i bukur, që në fillim me të veçanta, pasaporta shqiptare me 16 janar, udhëtimi për në Los Angeles për realizimin e versionit përfundimtar të këngës ‘Suus’ në studio prestigjioze si Ocean Ways dhe Capitol Records. Udhëtimi për në New York për setin fotografik profesional me të madhin tonë Fadil Berisha, e në studion e tij u organizua dhe një pritje nga komuniteti i artistëve shqiptar në New York”.

“Turneu në disa vende të Evropës, ku gjithmonë prezantimin e këngës ‘Suus’ e pritën me shumë duartrokitje. Realizimi i videos së ‘Suus’, për të cilën falënderoj regjisorin Bekim Lumi, performanca në Eurosong. E gjithë kjo periudhë e ngjeshur dhe me shumë intervista, mbështetje e vlerësim që nga krerët më të lartë institucionalë e deri te qytetari më i thjeshtë, pleqtë e fëmijët, të cilët më ndalnin në rrugë për të më përqafuar e shtrënguar fortë, të lumtur për rezultatin e arrirë”.

“Udhëtimi për pjesëmarrje në festivalin ‘Netët e Bardha të Shën Peterburgut’ dhe vendi i dytë, bashkëpunime me Televizionin Nacional Turk TRT, paraqitje me Orkestrën Simfonike të Sarajevës në mesin e artistëve më të spikatur të Ballkanit, dhe shumë koncerte në ndërkohë. Përfshirje në aktivitete me karakter humanitar, realizimi i videos sensibilizuese kundër dhunës ndaj gruas, në kuadër të aktivitetit 16 ditët botërore kundër dhunës ndaj gruas, realizimi i këngës ‘Se vetëm zemra flet saktë’ pjesë e fushatës vetëdijësuese kundër dhunës në çiftet adoleshente mbështetur nga Komisioni Evropian”.

“Përgjithësisht vit i bukur në rrafshin profesional dhe i përmbushur në çdo aspekt tjetër, meqë ndjenja e të qenit e vlerësuar më ka shoqëruar që në ditët e para të vitit që po e lëmë pas”, ka thënë Rona Nishliu për Telegrafin.

/Telegrafi/

Në trend Magazina

Më shumë
Sin Boy sulmohet brutalisht në një sallon bukurie, teksa po hynte 'live' në TikTok?

Sin Boy sulmohet brutalisht në një sallon bukurie, teksa po hynte 'live' në TikTok?

Magazina
Zbulohet arsyeja pse Kate Middleton e dha e vetme mesazhin për sëmundjen e kancerit, pa prezencën e Princit William

Zbulohet arsyeja pse Kate Middleton e dha e vetme mesazhin për sëmundjen e kancerit, pa prezencën e Princit William

Magazina
Rike Roçi 'nxjerr zbuluar' produksionin e BBVA, tregon se ka komunikuar me nënën dhe motrën e saj pasi ka kërkuar të dalë nga shtëpia

Rike Roçi 'nxjerr zbuluar' produksionin e BBVA, tregon se ka komunikuar me nënën dhe motrën e saj pasi ka kërkuar të dalë nga shtëpia

Magazina
Seriali

Seriali "The Gentlemen" është një sensacion në internet, por shikuesit janë të bezdisur vetëm nga një detaj i tij

Magazina
Revista 'People' i kushton artikull prindërve të Rita Orës: Si vajza që këndonte në lokalin e babait të saj, u bë një yll botëror

Revista 'People' i kushton artikull prindërve të Rita Orës: Si vajza që këndonte në lokalin e babait të saj, u bë një yll botëror

Magazina
Kim Kardashian fajëson ish-bashkëshortin e saj Kanye West, për ndarjen nga i dashuri futbollist Odell Beckham Jr

Kim Kardashian fajëson ish-bashkëshortin e saj Kanye West, për ndarjen nga i dashuri futbollist Odell Beckham Jr

Magazina
Kalo në kategori