0Shares

Presidenti i Shqipërisë, Bujar Nishani, në fjalimin para Asamblesë Parlamentare në Këshillin e Evropës ju bëri thirrje parlamentarëve të 47-të vendeve anëtare të Këshillit të Evropës, që ta pranojnë Kosovën në këtë institucion më të vjetër panevropian, pasi që, siç tha, sovraniteti i saj është kapitull i mbyllur. Kjo është hera e parë që një funksionar i lartë i Shqipërisë kërkon pranimin e Kosovës në Këshillin e Evropës.

Sipas burimeve diplomatike nga Strasburgu, tani një kohë të gjatë shqyrtohen mundësitë dhe kërkohet mënyrë për pranimin e Kosovës në Këshillin e Evropës (KE). Disa burime pohojnë se Kosova mund të bëhet anëtare e Këshillit të Evropës që nga viti 2013, gjë që, sipas të tjerëve është shumë optimiste, duke e pasur parasysh procedurën që duhet të zbatohet në Asamblenë Parlamentare të KE-së, ndërsa më pas edhe në Komitetin e ministrave.

Shqipëria për momentin kryeson me Komitetin e ministrave të Këshillit të Evropës dhe në këtë cilësi Nishani theksoi se çështja për statusin e Kosovës dhe integritetit të saj territorial është kapitull i mbyllur, raporton agjencia “Mia”.

“Rëndësia e angazhimit tonë për Kosovën dhe e angazhimit të Këshillit të Evropës është në atë që në Kosovë të promovohen të drejtat e njeriut, me çka të gjithë qytetarët e Kosovës, pa dallim të përkatësisë etnike, do të kenë qasje të njëjtë në Gjykatën Evropiane për të drejta të njeriut dhe do të kishin institucione që punojnë në pajtim me kriteret evropiane”, tha Nishani.

Kosova si shtet i pavarur është pranuar nga 34 prej 47 vendeve anëtare të Këshillit të Evropës. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)