0Shares

Kriza e fundit në mes partnerëve të koalicionit nuk do ta shtyjë Kosovën drejt zgjedhjeve të parakohshme, për shkak se pritet një koalicion i ri në mes PDK-së dhe AAK-së, ka deklaruar për Telegrafin Leon Malazogu nga Instituti D4D. Ndërsa, analisti politik Behlul Beqaj mendon se zgjedhjet e parakohshme nuk janë relevante përderisa nuk ka ofertë serioze dhe kualitative nga partitë politike.

Analisti Beqaj vlerëson se ndryshimi i figurave në parti nuk mjafton për ndryshimin e mendësisë politike.

“Kalimi i Çekut në PDK është indikator serioz se lidershipi aktual po e përdor anëtarësinë dhe elektoratin për interesa egoiste”, vlerëson Beqaj për Telegrafin.

Kritikat e zëvendëskryeministrit Behgjet Pacolli drejtuar qeverisë në një tubim me simpatizantët e AKR-së në Kamenicë, Beqaj i arsyeton me faktin se koalicioni Aleanca për Kosovë të Re, të cilin e drejton Pacolli, është më i dëmtuari pas kalimit të Agim Çekut në PDK.

“Ai tash është viktimë e këtij koalicioni”, thotë Beqaj.

Ndërkaq, Leon Malazogu mendon se nuk ka ndonjë indikacion se do të shkohet në zgjedhje të parakohshme, sepse koalicioni mes PDK-së dhe AAK-së pritet të ndodhë shumë shpejt.

"Përderisa nuk kemi ndonjë detyrim kushtetues ose krizë të thellë qeveritare, nuk duhet të ketë zgjedhje te parakohshme. Legjitimitetit i zgjedhjeve ka kuptim vetëm atëherë kur respektohen afatet e përcaktuara me ligj dhe Kushtetutë", thotë Malazogu, i cili nuk është shumë optimist se Reforma zgjedhore do të realizohet në një afat të afërt kohor. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)